بابكر سلك : خمسة سنين تاااااااني !

> كلام التراس الهلال مفروض ما يتفوت ساي
> التدخلات الادارية في الشأن الفني مشكلة من مشاكل الرياضة في البلد دي
> كمان جابت ليها تدخلات صحفية ؟؟؟
> واذا كانت الصحافة الرياضية تنتقد التدخلات الادارية في الشأن الفني
> فكيف تسمح لنفسها ان تتدخل في الشأن الفني ؟؟؟؟
> ايها الناس
> اعطاء العيش لخبازو سياسة ناجحة
> والبعد عن التدخل في الشأن الفني سمة من سمات الادارة الناجحة والصحافة الناجحة
> فمن سلطات الصحافة الرقابة واظهار الحقائق
> والرقابة تتطلب الحيادية وعدم ادخال الانف في عمل ليس من اختصاصها
> واظهار الحقائق يتطلب الولاء للقيمة الاكبر
> ليس الولاء لاشخاص
> ايها الناس
> سماح الجهاز الفني بالتدخلات الصحفية يعني
> ضعف الجهاز الفني والاداري
> ولنا ان نسأل
> من يدير الهلال يا ناس ؟؟؟
> وفي البال ان سيدة فرح اقترحت فقط اسم المريخ
> لكنها لم تتدخل في الانتخابات
> ولم تتدخل في التشكيل
> افتينا يا اخوي
> ابو منذر الرأي عندك شنو ؟؟؟
> الموضوع داير رجوع سريع
> المهم
> هلال التدخلات الصحفية يعمل ليل نهار لمحو آثار الهزيمة
> لن يتركوا وسيلة الا واتبعوها
> وعشان كده مفروض نفتح شويه
> نعد العدة لكل الاساليب
> ونستفيد من التسرع وبوظان الاعصاب
> ونستفيد من التشكيل الخاطئ نتيجة التدخلات الصحفية
> ونطبق الحنة
> الحنة كان طبقوها بتشيل شديد
> واجود انواع الحنة
> هي الحنة البتختها ستها في بيتها
> بي راحتا
> لانو عند الحنانة
> الحنانة بتكلفتا
> الصف طويل
> وحتى لو ختتا عند الحنانة الفنانة في الخرطوم
> تجي تطبقا في بيتا في امدرمان
> تطبقا بي مهلتها
> تختها وتنوووووووووووم
> مافي زول سائلا
> ولما تصحى تلقاها شالت شديد
> المهم
> اليومين دي محمد عبدالماجد بكتب لينا عن الكديسة
> يوم واحد وتلتين يا حمادة
> كلمنا عن الكلب
> وكيف كان اساساً مرفعين
> قام الانسان استأنسو وولفو
> وبقى كلب
> وكلمنا عن انواع الكلاب
> ومميزاتها وميزاتها
> ولما تبدأ التسجيلات
> اكتب لينا يا حمادة عن القرد
> القرد البنط من شجرة لي شجرة
> لانو لما التسجيلات تبدأ
> قرود كتااااار حا ينطوا من شجرتهم
> شجرة ناشفة ويابسة
> لا فيها ثمار تجبر القرود على القعاد
> ولا فيها ضل يخلي القرود تقيل مرتاحة
> القرود بتحب شجر المنقة
> المنقه الصفراء فاقع لونها
> موضوع القرود ده مهم يا حمادة
> وبعد داك ارجع بينا لعثمان حسين
> ايها الناس
> اكتب قبل مباراة مريخ كوستي
> اتمنى صعود هذا الفريق للممتاز
> لانهم يستحقون ذلك
> فهلالاب كوستي يتوارون خلف الرابطة
> ونريد لمريخاب كوستي ان يظهروا بمريخهم عديييييييييييل
> لن يتواروا خلف شعار آخر
> الشعار شعارهم
> ملك وسلك
> محمد عبدالماجد
> بعد القرود اكتب لينا عن عصمت سيد الشعار
> ايها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> كنا بنتكلم عن الانتخابات القربت تجينا
> واحد فاهم ومنظم ومتابع قال لينا
> الخمسة سنين الجاية حايعملوا لينا
> حاجات كتيرة مفيدة وكباري جديدة تتعمل فينا
> اقصد كباري جديدة تتعمل لينا
> الزول ده متفائل شديد يا والينا
> خمسة سنين تاني وقايل روحو حايلاقينا
> البعيش خمسة سنين تاني مننا منو يا والينا ؟؟؟

سلك كهربا
ننساك كيف والخمسة سنين الجايه آخر شوته لينا وكلنا زون يا اخينا

والللللللللللللى لقاء
سلللللللللللللللللللك

في السلك – بابكر سلك
صحيفة الإنتباهة

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *