بابكر سلك : ريحة المطار وريحة طير طير

*ايها الناس
*علي قدر اهل العزم تأتي العزائم
*بالامس كنا نخوض نقاشا طويلا وقويا في قروب مريخي يهتم بالشأن الاحمر جدا
*شخصيا خرجت من النقاش
*بان ريحة المطار فاحت
*وانها تعطر من يسعي لها بثقه
*لا بدونيه
*ولا مستبعدا نيلها والتعطر بها
*فالمريخ كحامل المسك
*دوما يعطرنا بريحة المطار الفواحه
*علي الرغم من ان البعض لسه ريحتهم طير طير
*ماتعطروا بريحة المطار بعد
*المهم
*الجماهير التي شاهدتها يوم عزام
*والتي انتزعت النصر عنوة بحناجرها القويه
*هي جماهير بطوله وجماهير مطار
*وطالما طموح جماهيرنا هو المطار
*ونهتف دوما المطار بي وين
*ونؤشر في اتجاه جماهيرنا لنرد علي السؤال
*المطار بي جاي
*يبقي المطار لازم يكون بي جاي
*ايها الناس
*صدقوني
*الصفاقسي في النهائي الذي خسرناه
*لم يكن فنيا افضل منا
*يكفي ان العجب وقلق وطمبل والبرازيلي باولينو وابالو بتاع كاس العالم كانوا ضمن تشكيلتنا
*وبالتأكيد امبيلي لم يكن افضل من العجب ولا كواسي افضل من طمبل
*ولا مدربهم بافضل من اتوفيستر
*ولكن روح الاصرار في الصفاقسي كانت اكبر
*وجماهيرهم بذرت في دواخلهم روح البطوله
*وكانت لهم
*وكذلك ليوبارد لم يكن في محل مقارنه بمستوانا
*ولكن هدفهم كان الكأس
*وهدفنا كان ان نصل
*لان الطموح حدوده كانت الوصول لا الكأس
*وعلي قدر اهل العزم اتت عزائم الصفاقسي وليوبارد
*وعلي قدر عزمنا وقفنا في محطة قبل التتويج
*السنه دي حدنا المطار
*لنا مدرب شاطر
*وجمال باسط لامكانياته من اجل التتويج
*وجمهور طموحه البطوله
*ولاعبين عرفوا اهمية ان تسجل في تاريخك بطوله افريقيه
*يبقي ما نشم ريحة مطار ليه !!!!!
*ايها الناس
*الثقه لاتعني الخيلاء
*ولاتعني التواكل
*بل هي عين التوكل وروحه
*نقوم بواجبنا كاملا
*لنتعطر برائحة المطار
*ويظل غيرنا ريحتو طير طير
*تمنيه وتمنين سنه
*وريحتهم طير طير
*ريحة المطار ما بعرفوها
*ولا شموها
*ولا يمكن يركبوها تركيب
*دي ريحه اصليه
*ياحامل المسك يا مريخ
*يبقي من عزام ولي قدام
*وقدام حدها طياره فاتحه القزاز ومعلقه علم المريخ بي بره
*يرفرف عاليا خفاقا علي مر الدهور والاجيال
*يؤكد علو كعبنا واصالة عطرنا
*يازول
*لو لاقتك في مول
*ريحه فيها طياره ماتتردد في القول
*ده عطر المريخ
*واذا لاقتك ريحه مرسوم فيها سمبر او اي نوع طير
*دي ريحة اسمها طير طير
*شوف الريحتهم طير طير
*وديها ليهم
*لو قالوا ليك مافيشين
*امشي ليهم لوزان
*تلقي ريحتهم طير طير
*اديهم الريحه الفيها طير
*وريحتها طير طير
*ايها الناس
*لن نتراجع عن الهدف
*لن نشعر بدونيه امام الآخرين
*ولن نختال كالطاؤوس
*نحن قوم لانحب الغرور
*ولكن انجازاتنا تسمح لنا بالتباهي
*سنعد لهم العده
*ونعمل العلينا
*ونحترم الجميع
*لنهزم الجميع
*وعندها نتقابل في المطار
*ووقتها سنسمع
*ده ما كأس افريقيا البنعرفوا
*وعبارات مماثله
*لن تنقصنا بطوله جويه حققناها
*ولن تكسب من يردد عبارات التبخيس بطولة جويه تغير عطره من طير طير الي عطر المطار الفواح
*وشامي لي ريحة مطار
*محمد عبدالماجد
*اديك بخه ولا شمه ولا الفتيل بعد يفضي ؟؟؟؟؟
*المهم
*الخطاب وصل لوزان ولا لسه مالقيتوا ركشه
*رسلوهوا بالواتس
*اصلوا اجتماعاتكم بالواتس
*وبمناسبة الواتس
*ناس كيبي ديل حاتشيلوا منهم الأي بادات ولا بتخلوها ليهم ذكري ؟؟؟
*لكن صدقوني
*وعلي مسؤليتي
*تيجانا الماسوره
*يا صديقي ****الطيب
*المواسير دي بدل اعادة تصديرها
*حولها المغلق يا فرده
*وجيب ليك مكرفون وكورك
*جبناها بالطياره وبايعنها بالخساره
*يمكن تتسلك ليك
*ايها الناس
*شامي لي ريحة مطار
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كلما اشوف مسرحية مدرسة المشاغبين
*وتجي الحته بتاعت سعيد صالح
*حشيش ولا موش حشيش ده يا متعلمين يا بتوع المدارس
*اتذكر مدارسنا
*وغنانا
*المدرسه فاتحه علي الشارع
*ويلا يا اولاد المدارس
*وقم للمعلم وفه التبجيلا
*تعرف يا والينا بعمل شنو ؟؟؟
*ادق يدا بيد واردد
* يا بتوع المدارس
سلك كهربا
ننساك كيف ورمضان والخريف والمدارس جاياتننا سوا
والي لقاء
سلك

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *