بابكر سلك : يا نسوا يا بتناسوا يا قايلننا نسينا

* أضحك لمن أتفنقل
* وأستغفر
* وتانى أضحك
* وأزيد فى الإستغفار
* الأهلة الشرفاء ديل عسل عديل كده
* يفلقوا ويداووا براهم
* أمس فى قون الهلالية وفى الجوهرة الزرقاء
* فى الصحيفتين لقاء مع الحيدوسى مدرب الهلال الزمان داك
* والحيدوسى فى اللقائين قال أى شئ
* قال الحصل والما حصل
* وقال انو كان مدرب الهلال لمن الهلال خسر من الترجى
* وتحدث عن الخساره من الترجى
* لكن ما ذكر انو كان مدرب الهلال لما الترجى أدى الهلال خمسه
فى ربع ساعه
* وطبعاً إذا ذكر الخساره من الترجى بالخمسه
* أكيد المحرر كان حايسألوا
* ياتو خمسه
* باقى الهلال خسر من الترجى بالخمسه كتيييييييييير
* خاص صفحة الأحمر الوهاج
* ونفى إتهام البعض له فى ذلك الوقت بالبيع للترجى
* ولم يتطرق الحوار لمصطفى يونس الذى صنع هلال 2007
بحسب ما قرينا فى صحف الهلال وقتها عند إقالة الحيدوسى
* الناس ديل يا نسوا
* يا إتناسوا
* يا بتناسو
* يا قايلننا نسينا
* ولكن ما لفت نظرى أن الحيدوسى فى كلامو لى ناس قون قال
* أعتقد ان بطوله لم تتحقق فى عهد البرنس وعمر ومهند وطمبل
من الصعب أن تحرز
* ده الزيت يا الحيدوسى
* الكلام ده قلناهو زمااااان والناس زعلت
* قلنا كاس ما جابوهوا ناس جكسا ما بجيبوهوا ناس بشه؟!!
* ومن جكسا ولى اسه
* الصفر قاعد
* الأميرة جارية
* والناس جاريين وراها
* المهم
* لسه الناس بتتكلم عن إيقاف بكرى وإبطال تعاقده مع المريخ
* يا ناس
* شوفوا ليكم شغله
* مازيمبى اليومين دى رجع تانى لى جنو
* خاص صفحة الأحمر الوهاج
* خمسات سااااااااااى
* أيهاا لناس
* شاعر المريخ وملك القوافى وملك الكلمات
* عشق المريخ حتى الثماله
* قال فى المريخ الدرر
* نظم القوافى من متواليات ماجد وحتى ثلاثية ضفر وأيمن وراجى
* شاعر المريخ والتاريخ الأستاذ الزبير عوض الكريم
* يدشن ديوانه النجيمات المضيئة
* الأربعاء الثالث من يونيو بعد المغرب بدار النادى
* الواجب حضورنا جميعاً لروعة الحدث
* لنسمع من شاعرنا ما يلهب مشاعرنا
* لنشارك شاعر المريخ والتاريخ تدشين ديوانه ونفخر
* كلنا حضور
* المهم
* من الحاجات البتضحكنى لمن اقع فى واطات الله دى
* ما أطالعه بصحف الهلال عن سداد كردنه لكل الديون
* وعبارات الهلال ما مديون
* ونفس الصحف تنشر
* أخبار عن أوامر قبض ومديونيات
* بعضها يرجع الأمر للأرباب
* وبعضها يعيده لمجالس سبقت الأرباب
* ولكن فى الختام
* المديونية فى
* وكتيرة
* وبتاعت سودانير براها بالدولار
* ده غير اللسه ما ظهرت
* واللسه ما إتحركت فى شأنها الإجراءات
* وبالدين نسوى الزين زى ماقال المثل
* وإتدينى
* أيها الناس
* سأل الأستاذ رمضان أحمد السيد
* قال لماذا الزج بسيدى بيه الهلال فى القضية؟
* ويقصد قضية إيقاف بكرى داخلياً بعد مباراة شندى
* أوريك لماذا يا رمضان
* فى حاجه أسمها السوابق وما جرى عليه العمل
* سيدى بيه إنطرد عديييييل يا رجالة بالإنجليزى
* ومفروض يقيف عقوبة إضافية
* نفس هذا الأتحاد أسقط عن سيدكم بيه العقوبة
* لمبررات إعتمد عليها وقتها
* ولأن التاريخ سجل الواقعة والحكم
* بقت سابقه نستأنس بها يا حبيب
* كان إنتوا نسيتوا
* لا نحنا ولا التاريخ ما بننسى
* عرفت ليه الزج؟
* أيها الناس
* موضوع بكرى قصة وآخرها لسه
* ياما تشوف عجائب
* الزول ده مزعل الناس ديل جنس زعل
* الغريبة الزول ده قالوا عنو الناس ديك انهم فكوهوا مخصوص
للناس ديل
* خاص صفحة الأحمر الوهاج
* أول من الزول ده بقى مع الناس ديل الناس ديك بطبطوا
* يعنى أسى الزول ده يرجع للناس ديك ويخلى الناس ديل؟؟؟
* طيب الزول ده بيرضى؟؟؟
* يعنى تجيبوهوا بيت الطاعه
* إختصروا الموضوع وإعتبروهوا ناشز
* الناس ديل ما بسيبوا الزول ده يرجع للناس ديك
* والزول ده الزول ده الزول ده أنا بريدو
* أيها الناس
* فى لقاء الحيدوسى بجوهرة رمضان قال :
* لا زالت لى مستحقات ماليه ماليه طرف النادى ولكننى لم أسأل
عنها حتى يومنا هذا
* ويقولوا ليك الهلال ما مديون
* والزول ده الزول ده الزول ده أنا بريدو
* يفلقوا ويداووا
* الغريبه
* ما سألوا الحيدوسى عن رأيو فى قانونية إنتقال بكرى للمريخ بعد
توقيعه لعقد فى ورقه ساى ببيت كردنه
* وما قالوا لينا إنو الحيدوسى قال إنتقال بكرى للمريخ باطل
* وبكرى ذاتو ما لاعب كويس
* ولا جراى
* ولا مزعج
* ولا جهجه تونس كلها
* ولا طير الترجى
* دى فاتت عليكم
* فى اللقاء الجاى ضرورى تتطرقوا لى قانونية إنتقال بكرى
* ومستوى بكرى
* لكن بصراحة قالوا الحيدوسى قال
* الطير الترجى ما بكرى
* الطير الترجى موريس مدرب الترجى
* الطير الترجى بكرينا يا حيدوسى وبطل لف ودوران
* ولو مسكوك يا حيدوسى برشلونه
* بكرى بجهجهك
* ناس بيكيه ديل جنهم وجن الجرى
* والله بكرينا يطرطشهم جوه الميدان
* ويطرطشك فى الكنبة
* خاص صفحة الأحمر الوهاج
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* حبه رشت لينا
* بردت علينا
* لكن ما تعتمد على كده يا أخينا
* طقس البلد دى زى مزاج القذافى يا والينا
* ما مفهوم لدينا
* عشان كده الكهربة يا والينا
* صينها وصلحها لينا
* رمضان جايينا يا والينا
سلك كهربا
** ننساك كيف وفى الجيب صيف وفى الجو صيف وقول يا
لطيف؟!!
والي لقاء
سلللللللك

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *