هيثم صديق : علاء الدين والمريخ السحري

شفتوا الجمهور
شميتوا البخور
ام هل رقصتم مع الراقصين
في ليلة تحت عنوان ضرب الوفاق للثار للرفاق
كاد الوفاق ان يزوغ من الشوط الثاني
كما زاغ الدماعة من مباراة الجزائر
وماذا نكتب ونحن قد اصبحنا في الاستاد
لم نفكر له
لان الليل بقي صباح
شوفوا الليل بقي لينا صباح
والبطل اللاحق محق البطل السابق
وبانت البطولة
وشفتوا جمهور المريخ
الاغلبية والنفر بي مية
وخلوها بالنية
وماذا سنكتب
وايادينا تصافح وتصفق
والفرحة تملانا وتدفق
وحال المساكين يشقق
امس اخبرهم المريخ الفارق
تضيع بلنت وتخرج منتصرا بثنائية
وامس كانت تشكيلة المريخ اكثر مم 50 الف لاعب.
مسكين الوفاق توفي لبع
تم طرده وتجريده من الرتبة
وتم ترتيب الاوضاع
وعلي الكاف ان كان مستعجلا ان يسلمنا الكاس
كانت مباراة تحت عنوان
البارشا يلعب متنكرا
والتطواني يشتكي مستنكرا
وشفتوا الجمهور
شفتو التيفو
الجمهور يعمل تيفو
والفريق يعمل توف
وجيب من جوة
والوفاق يصيح يا ابو مروة
وكما صنع العقرب الهدفين
فلقد صنع العقرب الاخر هذه الابيات
ماقلنا ليكم.. شفتو كيف?
غيرنا مافي فرح بجيكم
لا في بهجه ولا في كيف
نحنا رجينا الترجي…
ونحنا شطفنا السطيف
شلنا من عزام ..عزيمه
نحنا مابنرضي الهزيمه
وكابو. كبيناهو. كب
ونحنا لامن قمنا.. كب
قلنا للعالم أقيف
وانتبه واسمع كلامنا
ما كلامنا حلو وشفيف
نحنا موت للجانا احمر
ونحنا ساعة نرضي سكر
نحنا كورة واحلي منظر
لونا زينه وزاهي اصفر
نحنا منقه عسل مقطر
ونحنا لو يعكر صفانا
حقو تمسك.. يالطيف
++++++++
نحنا ادبنا التوانسه
وفي الجزاير.. كنا كيف
راقي ياجمهورنا راقي
رافي مما قمتا راقي
عاتي من يومك مخيف
+++++++-++
البدورو حمانا خاسر
وفي الدواس نحنا الكواسر
والبجينا دواهو سيف
+++++++++
ما قلنا ليكم….شفتو كيف?
هسه لو ما نحنا يعني
كنت تحرسو في التمني
ولا كنتو تعيشو كيف
++++++++
هيبه يامريخ… وجبره
عزه في كل المجره
ديمه واهبنا المسره
ود فوارس خيلا حره
اكسح…امسح..جوة بره
خلي ناس ديلك.. تشيف
****************
ماقلنا ليكم…..شفتو كيف
غيرنا مافي فرح بجيكم
لا في بهجه ولا في كيف
نحنا رجينا الترجي ونحنا شطفنا السطيف
وبرضو كدنا حشا الو……
ونزيدكم من التبخيس بيتا
قون اوكرا زاتو تسلل
و بكري مفروض ينطرد
والتطواني مفروض يتغلب
وعندنا اقتراح لصعود الهلال
طبعا مافي طريقة المريخ يدي الهلال لاعبيه
لكن ممكن نخلي الجمهور يشجع
المباراة تكون في الرد سطف والزلزال حاضر
وتجوا نغلب ليكم مازيمبي
والله كديابا الا يرقص رقصة شمع جنب الريح
وقررررربت

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *