بابكر سلك : زنطور وبينا مشغول

* الشفوت يوم شكرهم ما يجى
* فقبل وقفة الأولتراسات ولجنة التعبئه وتجمع الروابط وجميع الروابط المشرفة
* كانت وقفة القرى والمدائن المشرفة جداً
* شفوت القضارف وناس الشماليه بى تمرهم
* ناس الدمازين كعادتهم كانوا فى الصفوف الأماميه
* أما أهل الدويم أخوان محمد لعوته
* فما قاموا به يشرف
* ولو كانت فير القصخ شوبش
* لزغردن الحسان مع ذكر أولاد الدويم شفوت النيل الأبيض
* وقفات مشرفة من مدن ومدائن
* تشرفنا بها
* مدينة مدينة
* بكرى بكرى
* قرية قرية
* حله حله
* حى حى
* أنه سودان المريخ
* أيها الناس
* إلتفاف الجماهير حول الزعيم
* وقيام اى زول بى شغلو بدون ان يتدخل فى شغل غيرو
* هو ما أوصل المريخ للإستقرار
* والإستقرار هو ما أوصل المريخ لهذه الدرجة
* لدرجة ان الكاف يرشحه فى المرتبة الأولى لنيل هذه البطولة
* ونحن نرشحه كذلك لبطولة السوبر
* كاس العالم للأندية لو أخروهوا شويه عندنا رأى
* لأنو جيمى بكون دعم الزعيم بى لاعبين تلاتة يجيبوا الفارق
* ووقتها عينكم ماتشوف إلا النور
* قلناها من عزام
* شامين ريحة المطار
* ماقلناها فارغه ساى
* شفنا فى عيون الشفوت مدى الإصرار ومنبع الإعصار
* شفناها فى ثقة المجلس فى الجهاز الفنى
* وأيمان المجلس فى الجماهير
* وشفناها فى أيمان الجماهير بالجهاز الفنى ومن قبله المجلس
* فكانت صورة المطار تلمع فى عيون تعرف معنى الإنتصار والتحدى
* أيها الناس
* كلنا نواصل على هذا الدرب
* بودينا فى طريق المطار
* المهم
* لولقيت ليك زول ماشى مصنقع بعاين للسماء
* ده شفت بفنش فى الطيارة
* ولو لقيت ليك زول ماشى مدنقر فى الواطه دى
* قول ليهو أرفع راسك انت تطوانى
* مدنقر ليه
* موش زمان قالو ليك ماعندك حاجه ابيت تصدق
* أها
* أسى المخارجه كيف؟
* يا تطير قبل ما تطير
* يا تطير بعد ما تطير
* وخسر ابوالهل بالتعادل فى كادوقلى
* لأن الكوكى ساطها
* مشكل من الرديف والأساسى
* كان يخليها رديف أو أساسى
* لكن الأساسى سبب المآسى
* والرديف كتير ما بقيف
* عشان كده لخبطها
* الله يجازيك يا التطوانى
* المهم
* سعادتو صلاح بابكر شفت كبير
* أمس بتونس معاى
* قال لى زنطور شابكنا نقه
* الحكم جاملكم
* لاعب الوفاق ما بنطرد
* علاء مفروض ينطرد
* بكرى مثل
* بالعين منشطات
* جمهور قدر ده جبتوهوا من وين؟
* جمال الوالى ذاتو ماشى مخليكم
* وهضربة شديده
* قالوا ليهو درنت فى كادوقلى ليه؟
* قال ليهم متين؟
* قالوا ليهو أسى
* حتى يا دوبك بدا يسأل بالتلفون الليلة لاعبين ولا ما لاعبين؟
* زول ما عارف فريقو لاعب ولا ما لاعب
* ومشغول بى فريق تانى
* زنطور وبينا مشغول عشان كده صفرك حايطول
* أيها الناس
* الثقة لا تدفعنا للتفريط
* نواصل على نفس المنوال
* وأكتر
* عشان نجيب الكاس ده
* والسوبر
* دايرين البلد دى تفضى شويه
* دايرين الجماعه يعملوا ليهم إقامات بره
* البلد دى تانى ما بتنقعد ليهم
* شعارنا لاتطوان فى السودان
* أيها الناس
* فيكم زول شاف محمد عبدالماجد؟
* سلموا لى عليهو لو ترك الإحتجاب وأبدى الإعجاب
* لكن صدقونى
* الكوكى مفروض يستف
* ويدق الشرموط ويسحن البهارات
* سفرتوا قربت
* أيها الناس
* جنينتنا شايفه إتملت شتول صغااااار بختنا
* بالذات أبوصرة ده بنجض شريع
* أزرع عنب يا كردنه
* باقى بنحب العنب
* أيها الناس
* بنفس القوة والإصرار
* بنفس القدرة على تحقيق المحال
* نواصل المشوار
* مشوار المطار
* وإتمطرى
* وعليك الله مطرى
* الحر طير نافوخنا
* والله انا ما عارف الهلالاب ديل بالعليهم ده مستحملين السخانه دى
كيف؟
* أقعوا البحر يا روشا
* البحر بخفف كثير
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أنت يا والينا
* الناس البجوا ينضفوا المجارى لينا
* ليه بيفتحوا الغطايات ويمشوا ويخلوها فاتحه لينا؟
* تانى بتتملى ورق وأكياس وتتردم بالتراب علينا
* هل شغلهم حدو فتح الغطاء وجدعوا فى الشارع أمام ناظرينا
* ولا ده إهمال منهم يا والينا؟
* تعال شوف شارع العرضه كم فتحه مفتوحه فينا
* ننساك كيف والكلب كان بقى يخاف يقع فى الحفر الفاتحه لينا..
لكن
أسرع من الكلب بكرى المدينه!!
ﻭﺍﻟﻲ ﻟﻘﺎﺀ
سلك

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *