بابكر سلك : الكوكي طار ومكسيم في شارع المطار

بابكر سلك : الكوكي طار ومكسيم في شارع المطار

> نحمد الله
> أمورنا واااااضحه
> أمورنا واضحة برغم استقالة مجلسنا
> اي شئ مرتب ومنظم ومهندم
> الوالي يستقيل ويتفق مع كوفي
> يلتزم بدعم مجلس التسيير
> يناقش ويفاوض حول اختيار الجدد
> وما مقصر
> اي شئ محسوب
> كعب العدم
> كعب البوبار في بيت الايجار
> سمعت بالبوبار في بيت الايجار يا خالدونا ؟؟؟
> القوة المالية الضاربة في البلد دي
> طلعت ضاربة يا خالد
> ضربة عدوك
> مرتبات بالشهور ما اتصرفت
> والقوة ضاربة
> لاعبين يقولوا خلينا قروشنا بس خارجونا
> والقوة الضاربة ضاربة
> سيخ ينزل ويطلع
> سيخكم ده دخل التمهيدي ولا شنو ؟؟؟
> شايفو طلع مباشر زي الأمير البحراوي ومريخ نيالا
> طلع بدون يلعب سنترليق هبوط ولا صعود
> سيخ وطلع
> السيخ في الهند بطلعوا كتيمي كده برضو يا روشا ؟؟؟
> اتسيخي
> المهم
> البعض يحاول أن يحرض جمهور الأمل علي افعال مشينة
> والبعض ده ما عارف انو البلد دي بي قانونا
> وبي فنونها برضو
> والفايت الحدود السلطة بتعرف تواسيهو كويس
> وجمهور عطبرة ليس بالغباء الذي يظنه المحرضون
> جمهور عطبرة واخص منه جمهور الأمل
> اولاد قلب عطبرة
> وشفوت وعارفين البصلحهم من البضرهم
> أيها الناس
> لن ندعك تسير وحيداً هو شعار الشفوت
> لا ليتصدوا لعدوان مرتقب
> ولكن ليحتفلوا بالممتاز من أرض الحديد والنار
> والمحرش ما بكاتل يا البتحرشو
> المهم
> الاوضاع في الهلال
> الكوكي طار
> ومكسيم في شارع المطار
> والسيخ رفعو الكاردينال
> لكن البخوف مكسيم الفي شارع المطار ده
> شارع المطار ده قريب من حي الصفا
> اييييييييينتباه
> ولو سمعتوا في الموسم الجديد معلق مباراه طرفها المريخ يقول
> المريخ في كنبة الاحتياطي مكسيم فودجو وولاء الدين و ابو عاقله وآخرين ما كضب
> المهم
> حدث ماهو متوقع
> خسرنا من يوغندا
> وبمنطق أحمد بابكر كسبنا الانضباط
> الانضباط الببعد لاعبي المريخ من المنتخب لانهم ما كلموهم بالتمرين
> الانضباط البكلفنا تلاته أهداف نظيفه في امدرمان لنصعد
> وهل كانت العقوبة علي لاعبي المريخ بالمنتخب أم على المنتخب يا سيدي أحمد بابكر ؟؟؟؟
> وهل الانضباط الذي عنيته هو ذلك الانضباط الذي سمعنا عنه تسجيلاً صوتياً بالواتس ؟؟؟
> الراجل القال غير ليكم الفندق لانو السفاره زاتها ماعارفه جيتكم متين
> حسب كلام الزول ده انو جية منتخبنا ليوغندا زي جية المطره لكمبالا
> بتجي بتجي
> بس متين ما معروف
> وأكتر حاجة احزنتني في التسجيل الصوتي
> عندما قال الرجل انه سأل الكوتش عن مواعيد التدريب
> وجاء رد الكوتش لايشبه ذلك الانضباط الذي تبختر به في الخرطوم
> انه امر جد محزن
> والاتحاد لو ترك المجانيه في تدريب المنتخب ما اظننا بنقدر نعمل شئ
> المهم
> نتمني تدارك النتيجة القبيحة التي خرجنا بها في كمبالا بالخرطوم
> ويا خرطوم ثوري ثوري واهتفي
> الاهتمام بالمنتخب شئ ضروري
> المهم
> لو لاقاكم زول راكب امجاد ماشي المطار حالق كده
> وقفوهوا وقولوا ليهو
> القوة المالية الضاربة في البلد دي
> لو دايره تجيب ميسي بتجيبو
> قوة مالية فعلا ضاربة
> ضاربة لستك يا ربي ؟؟؟؟
> أيها الناس
> مريخ 2015 الافريقي مدهش حد الثمالة
> وماقدمه المريخ افريقيا في هذا الموسم لم يقدمه الاتحاد ولا مازيمبي
> لان جميع الخبراء والمتابعون قد رشحوا المريخ للبطولة دون منازع
> وماكان ترشيحهم ده لانهم اولاد شاخور
> او لأنهم نسابة جمال الوالي
> ولكن لأن المستويات الثابتة والمتطورة التي قدمها المريخ ادهشتهم
> أما ماقدمه الشفوت علي المدرجات فكان فاكهة البطولة الافريقيه كلها
> وحديث أهل الرياضة في كل القارة
> أيها الناس نحنا لسه فيها
> ولاعب بحصل أهداف بكري في البطولة مافي
> يبقى المريخ موجود على منصات التتويج برغم أنف القوة المالية الضاربة
> وما أحرزه بكري من أهداف
> مضاف اليه ما صنعه بكري من أهداف
> نضيف ليهو ماتسبب فيه بكري من أهداف
> سيسمو بالعقرب الى منصات التتويج كأفضل لاعب إفريقي هذا الموسم
> يبقى متوجين ومكرمين
> يا معلمات ويا معلمين
> بمناسبة معلمات دي
> فطومة أختي ويييييييينك؟؟؟؟؟
> بتعدي في القوة المالية الضاربة ولا شنو يا أختي ؟؟؟
> المهم سنتوج بإذن الله
> والمتوجنا بكري
> وصدق روشا عندما كتب
> جرح بكري المدينة مازال غائراً
> جرح بكري لم يندمل بل يزيد استفحالاً مع كل هتاف يمجد في اللاعب
> اتنزفي
> وجرح بكري حايجيب ليكم التتنوس و حايوديكم التوج يا روشا بعد اعلانه هدافاً للبطولة وأفضل لاعب فيها
> وجرحتني
> طيب بتقولوا مانافع واربعة سنين جاب قون الا ربع وبتكابروا فوق شنو وكت مجروحين قدر ده ؟؟؟
> يا بكري
> يا فقري
> يا جارحهم
> أتاريك جراح ؟؟؟
> تاني قبل ماتجيب قون يجرح ناس روشا ديل
> بنجهم أول
> وإتبنجي
> أيها الناس
> كاريكا في القائمة بتاعت اختيار أفضل لاعب كيف بس؟؟؟؟؟
> جاب كم قون وصنع كم قون ؟؟؟
> الجابهم الحاج كاريكا والصنعهم والصنعتهم الظروف
> كلهم ما بجوا قدر البلنتيات الاتعملت مع بكري افريقياً
> زي ناس كاريكا ديل اختيارهم بكون تمومة عدد ساي
> لكن ما بنافسو
> زي الزول البقولوا ليك نجح
> لكن نسبتو ما بتدخلو أي كلية
> الحراسة ما بتدخلو
> خليها كلية
> بكري النزيف
> أيها الناس
> إن تنصروا الله ينصركم
> أها
> نجي لي شمارات والي الخرتوم
> كان شفت يا والينا
> زمان سعر الصابونة في بحري وفي مدني
> في طابت وفي جونقلي
> في حلفا وفي نمولي
> في كسلا وفي مروي
> كلو واحد والله واحد
> أسي البخلي سعر الحاجة بتتغير بعد كلو خمسة دقائق في نفس الرف شنو يا والينا ؟؟؟؟
سلك كهربا
ننساك كيف والكلب كان سنويا بتطعم مجاني ….اسي السكر هين عاد ؟؟؟؟
والي لقاء
سلك

تعليقات الفيسبوك

تعليقات

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *