بابكر سلك : القبعه

بابكر سلك : القبعه

* العمل بفهم وتنظيم وتخطيط وحسن متابعه وصبر علي النتائج في ظل استغلال المتاح من الامكانات هو العمل الذي يلزمنا في المريخ
* وفريق البطولات لا تبنيه الصدفه بقدرما تبنيه الاستراتيجيات الواعيه
* في ظل الامكانيات الماديه الحاليه والامكانات الفنيه نجد ان فرص المريخ بالنسبه لخانات الاجانب معدومه الا في حال الاستغناء عن واحد من الاجانب كوفي اوكرا كريم الحسن
* والاستغناء عن ثاحد منهم يكون لاحضار من هو افضل منه
* ولان طريقة اختيار الاجنبي تتم بطريقه عشوائيه لدرجة ان نبقي عليهم تأسيسا علي جنا تعرفو ولا جنا مابتعرفو
* لن نضمن ان نأتي بمن هو افضل ممن استغنينا عنه
* ودونكم ابو الهل
* استغني عن سادومبا معللا ذلك بتكلفته العاليه
* سجل ما لا يقل عن عشرة مهاجمين اجانب وبعضهم بتكلفة تفوق ضعف تكلفة ساسا
* جميعهم فشل بقيادة كيبي وجميع مواسير الفجيره وتلاته برازيليين تقليد
* لدرجه وصل فيها الهلال وكسابقه عالميه يحفظها له التاريخ لجأ للاستغناء عن الاجانب اثناء الموسم وقبل فتح باب الاحلال والابدال
* فعاد الهلال لمقولة جنا تعرفو واعاد عمك ساسا
* وحتي لا نفكر نحن في اعادة كبايا وباريزي يجب ان نعمل بعقل
* وقبل ذلك نسأل
* خلال خمسطاشر سنه كم محترف اجنبي لعب للاهلي القاهري وكم محترف اجنبي لعب للمريخ???
* بعد الاجابه علي هذا السؤال نسأل انفسنا
* كم بطولة قاريه خلال تلك الفترة احرزها الاهلي القاهري وكم احرز المريخ من تلك البطولات ???
* لذا يجب ان نعمل بعقل
* لم نرصد لاعبين اجانب يحققون الفارق بل نرصد اموالا تعيننا علي الاستعانه باجانب جدد
* لذا اذا وفقنا في اكمال اجراءات الوك كوطني
* يمكننا اعادة ديديه بديلا لخازوق الحسن تأسيسا علي جنا تعرفو ولا حسنا تضحك عليه
* واذا فشلنا في ضم الوك كسوداني
* نطفش الحسن ونسجل الوك كأجنبي
* ده كل الحل المتوفر حاليا
* اذا ربنا رزقنا من حيث لا نعلم
* الافضل استغلال ذلك الرزق في التجديد والتمديد لجمال سالم مع اغرائه بعقد معدل
* وده الجن البنعرفوا نحنا
* اما اذا رأت لجنة التسيير جنا آخر بتعرفو هي زي حسنها ده
* يبقي اختارت ان تضيع حسناتها بالحسن وامثاله
* ايها الناس
* العد التنازلي بدا
* نكون لنكون او نكون
* لا خيار آخر
* قتال لنصل المنال
* فالمريخ الذي لايحبه خالد عزالدين يجب ان يستمر افريقيا كيتا علي خالد عزالدين
* عشان يعيش خالد في هذا الوطن بالكهربا القاطعه والمويه الجافت الناس وغلاء المعيشه الطاحن وانعدام الادويه المنقذه للحياه وللحياء احيانا وسخانة الجو والجيب وارتفاع سعر الصرف الجنوني واستمرار المريخ افريقيا
* المهم
*زماااااان
* ايام كنا بنتفسح ونمشي رحلات
* كان في العاب في تلك الرحلات
* اشهرها القبعه
* بجيبوا طاقيه يملوها ورق
* اي ورقه مكتوب عليها يا اما سؤال او امر لفعل حاجه
* ناس تقع ليهم غني
* وناس قلد لينا فلان
* وناس نطط
* وناس اجري
* وهكذا
* اسي بعد الرحلات تلاشت وجفت الانهار والجيوب
* كردنه جاب القبعه جوه البلد
* وملاها ورق
* ونادي ناس روشا وفطومه والباقيين
* وقال واحد يشيل ورقه
* محمد عبد الماجد وقع ليهو سؤال
* انت بتحتجب ثم تكتب عن عثمان حسين متين???
* خالد المابحب المريخ برضو وقع ليهو سؤال
* يا المابتحب المريخ… المريخ هو الفريق السوداني الوحيد المميز علي باقي الفرق بالبطولات الجويه ?? اجب بلا او نعم
* محمد وخالد لي اسي ما جاوبو
* كردته زاتو عندو ورقه ورقتو مكتوب عليها قلد الارباب… قام قفل التمارين وسجل ساسا
* روشا ورقتو قال مادايرها ..خرخر… رماها وجري ..اصلو خرخار… ياربي مكتوب فيها شنو
* فطومه اختي ورقتها مكتوب عليها امر
* كسري تلج
* علي اليمين الحاجه البارده زاتها كسرتها ليك مع التلج… كردنه ياخ
* وعادة القبعه من جديد يا عمك
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* المكيفات بقن زي موظفين الخدمه المدنيه يا والينا
* شغالات وماعاملات اي حاجه بالنسبه لينا
* ومع البرمجه دي يا والينا
* يوم القطع امشي وتعال بكره زي البقولن لينا
سلك كهربا
ننساك كيف والكلب كاتب بي ضنبو في الطين ..الصبر كملتو بي صبري
والى لقاء
سلك

تعليقات الفيسبوك

تعليقات

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *