بابكر سلك : رحلة قطر سكة أمل

> أيها الناس > حل معضلة الكرة السودانية «لو فضل فيها شئ» > يكمن في اخراج الاندية من جيوب الاقطاب وهبات الحكومات > بل وإخراجها من الاعتماد على الدعم الخارجي الذي يأتي بعد شحدة مستترة > وكي تخرج الكرة السودانية من ازمتها مرفرفة بعيداً عن ازمات اوجه الحياة السودانيه الكثيرة > لا بد من تغيير الفكر الذي يدير الكرة في البلد > بدءاً من فكر الدولة مروراً بفكر الاتحادات ثم فكر الاندية الى ان نغير مفهوم ادارة فرق الروابط واندية الحلال. > الانديه التي تفتح ابوابها للعب الورق والضمنة انتهى عهدها > إنه عهد الأندية التي توفر لمرتاديها كافة اشكال البرستيج في الاستفادة من خدمات النادي مقابل اشتراك شهري محترم. > انه عهد النادي الذي يجد العضو فيه فخراً وهو يعزم اجعص ضيوفه لجلسة ونسة واكرام بدار النادي > انه عهد النادي الأسري المشرف الذي ترتاده الاسر دون خوف من سماع لفظ طائش او تصرف قبيح > انه عهد النادي الذي لا يستقبل الزول المجرجر برطوشو > بل يجبرك على ارتياده وانت في كامل هندامك > إنه عهد النادي الذي يوفر صالات جيم واحواض سباحة واندية انترنت ومكتبات ويوفر معيناتها > انه عهد النادي الذي يجبرك على المحافظة على عضويته وسداد اشتراكك > اما النادي بشكله الذي نراه في انديتنا فإنه لا يشبه الا نفسه > النادي ابو شاي بي لبن ما فيهو لبن ده خلوهو زمااان > واصدقكم القول لو جبنا زول مات ليهو ميتين سنه وجبتو نادي الليله بعرفو ليك طوالي > بقول ليك دحين ده مو نادي الهلال؟ > الهلال دي على سبيل المثال > المهم > تغيير الفكر الذي يدير الاندية > ولا يبدأ ذلك التغيير الا اذا خرجنا من الجيوب > ومن انتظار المال العند علام الغيوب > ويكون ذلك بخلق استثمارات في مستوى الاندية > ايها الناس > رحلة قطر هي سكة امل توصلنا للنادي المثالي الذي ننشده > انها رحلة لتوقيع عقودات تتعلق بالاستثمار > اذا نجحت واتت اكلها > صدقوني ما بنتعب في البحث عمن يدير المريخ > لأننا وقتها سنضع اسس كيف يدار المريخ > ايها الناس > اسي كردنة ده لو مشى > وجات الشركة الصينية دايرة > وجات الشركه الفلانية دايرة > وجا سيد الاسمنت > وسيد السيخ واقف بره > ماذا سيحل بابو الهل؟ الاولو شرط آخره نور اسطع من نور كشافات كردنة الزي قالب مشبك فطور العريس دي > ايها الناس > البقت بقت > قصور مالي > واداري > والركون الى الزمن ليحل الاشكالات > تلك هي اسباب ازانا > ولا يكفر للتسيير سلبيات عدم التخطيط السليم واعداد المال اللازم للتسيير، الا النجاح في توقيع عقودات الاستثمار بقطر > وتحية خاصة لرابطة قطر > قدمت للمجلس السابق > وبنفس القدر تقدم للتسيير > لأن الإخوة في قطر ينتمون لكيان لا الى اشخاص > ايها الناس > أتحبون مريخ الجمال ام جمال المريخ؟ > شخصياً مقتنع بأن جمال يحب مريخ الجمال > انتوا بتحبوا شنو؟ > ايها الناس > استفدنا من عصرة التسيير في اعادة تنشيط الانتماء > وفي التفكير بجدية في اخراج المريخ من الجيوب > وفي الرغبة الاكيدة في الخروج بالنادي الى مصاف الاندية العالمية > وفي رفع مستوى تعاملنا مع نادينا > ايها الناس > إن تنصروا الله ينصركم > اها > نجي لي شمارات والي الخرتوم > كان شفت يا والينا > العطش ما قدر علينا > والسخانة ما قدرت تودينا > والغلاء ما حرك ساكناً فينا > والبلاء قبول بقرار من يبتلينا > وطالما ربنا في يا والينا > مافي حاجة بتقدر علينا سلك كهربا ننساك كيف والكلب حنَّ علينا وأبى يعضينا.. بنضرسو يا والينا. وإلى لقاء. سلك

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *