بابكر سلك : عربية ليييه!

بابكر سلك : عربية ليييه!

> أعلام الهلال ماعندو شغل اليومين غير اختيار الهلال للبطولة العربية ماعندهم سيرة > دايرين يحرضوا الاتحاد على اختيار الهلال ممثلًا للسودان للبطولة العربية > ومبررهم انو الهلال هو بطل الدورة الأولى > الدورة الاولى ليه > موش في بطل دوري عديل كده > الأجدر والأحق هو بطل آخر بطولة أقيمت واكتملت > وعلى مجلسنا الهمام الضغط على الاتحاد للاختيار الصحيح للبطولة العربية > تمثيل السودان في البطولة العربية هو حق أصيل للمريخ بوصفه بطل الممتاز الأخير > ويا نمثل السودان نحنا بوصفنا بطل الممتاز المتوج > يا مافي زول غيرنا يمشي يمثل بالسودان > وعلى التسيير تو أن تقاتل الاتحاد بشدة في مسألة حقنا في التمثيل > فكونا من بدعة بطل الدورة الأولى وامسكوا في البطل الحقيقي > المهم > الرائع الراحل المقيم خضر بشير له من الروائع الكثير > من تلك الروائع أغنية لي شنو > من كلماتها > لونك أسمراني وجمالك سباني السايق القندراني سايقو زول سوداني سوداني لي شنو > آه آه آآآآه > الدرة الفريدة كان لازم أريدها لابسه عقيد اللولي مدلدل فوق جيدها جيدها لي شنو > وعلى وزنها اختيار الهلال للبطولة العربية لي شنو > ايها الناس > تاريخ الهلال بالبطولة العربية غير مشرف > فالحقائق و(الذواكر)تحتفظ بسجل لاعبكم الذي أثبتت الفحوصات تناوله للمنشطات في مشهد دنقر جبين الوطن عربيًا > والذواكر تحفظ يابابكر مختار انسحاب الهلال من البطولة العربية بعد خسارته من سطيف على أرضه بهدفين > وإصرار أبو الهل على عدم السفر للجزائر في مشهد يثبت انضباط الكيان الهلالي واحترامه لشرف المنافسات > موش يا بابكير! > أيها الناس > على مجلسنا عموما > وعلى الوالي خصوصا > القتال من أجل حقنا في التمثيل بالبطولة العربية > وان كانت للسودان فرصتان > يجب تسميتنا بطلا > بعد داك البمشي ورانا منو ما مهم > ولكن الأجدر للذهاب معنا أهلي شندي > حتي لا يكافئ الاتحاد المنسحب بتمثيل السودان > مرة واحدة تمسكوا بحقوق المريخ بقوة > يافيها يا نجليها > أيها الناس > ودعنا بطلاً قومياً مريخيًا كبيرًا > قدم للمريخ لاعباً ومدرباً > بل امتاز على الجميع > أجانب ووطنيين > بأنه أول مدرب يأتي ببطولة جوية لفريق سوداني > دي ذواكركم متذكراها يا بكور؟؟ > ومن غير المريخ أتى بالجويات > سيد سليم وضع قدم المريخ وقتها على طريق البطولات الجويهة > ومن ديك وعيك > بابكر مختار ذواكركم الفيها بطولة الكنغو (الكضبة) ذواكر ضاربها فايروس > فرمطوها يا بابكير يمكن يعني > يمكن تبقوا زي الناس وتجيبوا ليكم جوية > نعزي أنفسنا في أبي السيد قبل أن نعزي سامح والاسرة الكريمة > المهم > قبل ما تفرمطوا الذواكر الضاربة فايروس دي يا بابكير > طلعوا لينا منها مشكلة الريح كاريكا كانت شنو؟؟ > وورونا موقف الريح الشجاع والقوي والتربوي كان ضد شنو؟؟ > وهل فعلاً كان موقف الريح التربوي ضد تصرف غير منضبط صدر من احد الإداريين وقتها؟؟؟ > وهل فعلا كان جزاء انضباط الريح الشطب والإبقاء على الإداري؟ > حت الذاكرة وكلمنا > وورينا انضباط جاديكا وقصصو > قصة انضباط جاديكا دي لو ماعندك في الذاكرة بديك ليها أنا > آه آه آآآه > مقبوض بالمنشطات وطيارتو ابداً بي كاس ما جات زاغ من وفاق سطيف وما فات لابي طيارة ولا بي عربية عربيهةلي شنوووووو! > أيها الناس > إن تنصروا الله ينصركم > أها > نجي لي شمارات والي الخرتوم > كان شفت يا والينا > الشارع ينضفوهوا لينا > ويكوموا التراب بالجمبه ويفوتوا يا والينا > وتاني التراب يرجع لينا > القصه صرف قروش ساي ولا تحليل للقروش يا والينا سلك كهربا ننساك كيف والكلب قال تاني رجعتوا للتحليل والفحوصات؟؟ موش قالوا ليكم نضيفه! اللياقه شنو وإلى لقاء سلك

تعليقات الفيسبوك

تعليقات

مقالات ذات صله

الرد

لن يتم نشر عنوان بريدك الإلكتروني. الحقول الإلزامية مشار إليها بـ *