الكوميديان محمد موسي بعد اختياره في اللوتري الأمريكي 2017 يحكي تفاصيل المقابلة في السفارة بالخرطوم والاجراءات.. تسجيل صوتي

الكوميديان السوداني الشهير محمد موسي بعد اختياره في اللوتري الأمريكي 2017 يحكي تفاصيل المقابلة في السفارة بالخرطوم والاجراءات ويقول أنه سيغادر السودان في يوليو القادم.

تعليقات
Mohammed Aljafary
لكن ياود موسى أمريكا دي ماسووووورة كبيرة . انا مشيت 2013 ولليلة متحير الناس دي العاجبه فيها شنو . صاح شوارع وعمارات ومجتمع فكاهي ووو لكن صعبة وفواتير كتيرة وشغل ليل نهار زي المكنة وحالتا صعبة شديد . انا حالتي مشيت زيارة بس لكن جيت فازي بسرعة ألف لروسيا حيث كنت أصلا وبديت الدكتوراة هنا. امريكا في الدراسة أفضل كتير لكن القروش كتيرة وصعبة . صراحة مالقيت زول هناك شكرا كلهم سابين لي أبوها وفي الفزا منها لكندا
—-

B balla5
noha ahmed عليكم السلام ورحمه الله..الناس كلها بتسافر عشان تحسن وضعها المادي والاكاديمي..لكن للاسف الغربه خصم في العمر والزمن..وفيها عدم احساس بالسعاده والله اذا كنت عايش في قصر وخدم وحشم لخدمتك…الضايق النار ما زي الما ضايقها…تجي اجازه وترفيه انا معاكم ..اما تجوا تعيشوا حياه لا قيمه ليها وكتير من الناس العايشين في انجلترا او اروبا بصوره عامه وامريكا بصفه خاصه دفعوا الثمن في فلذات اكبادهم بالضياع…والله السودان اجمل بلد فيه حاجات في العالم كلها ما موجوده..والله كلامي دا عن تجربه وكل دول اوربا ذرتها ..دي حياه بلا طعم..دي نصيحتي ولكم القرار في اخيار ما تريدون
—-
البديري الدهمشي سيد البلد
إنته في فلفستك دي اتاريك جوخ فارغ سااي امريكة شنو في عمرك ده وفي الوقت ده بالذات .. كنت تروح مكة عمرة رمضان صوم شهرك هناك وادعو لي رقبتك عسى الله يهيديك من فارغاتك الي بتسويها دي .. اصلا شنو يعني لو ضحكت الدنيا دي كلهاا .. ضحكات الناس بتشفع ليك ولا بتدخلك الجنة!؟؟؟


Henawy Henawy
بمجرد ما تيقنت إنّو كلامك واقع ليس خيال نكات، قلت في نفسي ود موسى دقس، و قلت لصاحبي الزول ده يوم بيقدم اللوتري ده ،كان أصيب بملاريا رقدوا المستشفى أحسن خيرا له.
النصيحة ثم النصيحة لا تبيع العفش وكمان خلي الازيار بمويتها وما تفصل الكهرباء عن التلاجة.
انت رجل إعلامي مقدم برنامج في التلفزيون مالك ومال أمريكا ياخ والله تجي أمريكا دي يوم من الأيام ما تلقى فرصة تشوف التلفزيون زاتو

—–
sabri salih
امة الله Df :في غربة اوحش من السودان دا، أمريكا بلد لناس الجادين فقط ناس العطلة والكسير و الكوتشينة خليكم في سودانكم داك ، أمريكا بلد كل الفرص متاحة بلد فيها الحشاش يملأ شبكتو ، علم تلاقي رياضة تلاقي صحة تلاقي فن تلاقي ،،، بعرف أسرة في تيكساس ابوهم جاء لوتري هنا عربي مابعرف لا كتابة ولا قراية ، علم اولادة ، عندو بتو اتخرجت طبيبة واتخصصت ، حاليا بتاخد 500000 دولار في السنة واشترت ليهم بيت ما اقل من خمسة مليون دولار،، قال غربة قااال

Hatim Ahmed
أنا كمان عايش بأمريكا و في ناس انتقدوا الأستاذ على قرارو بخصوص الهجرة وعندهم حق وكمان الناس المؤيدة الأستاذ انا شايف عندهم حق في النهاية دي قناعة وقرار إنسان عاقل وعندو تجارب كتيرة وكل واحد ونصيبو وسواء داخل او خارج السودان نتمنى للاستاذ وأسرتو ولكل مواطن ومواطنة سوداني او غير سوداني السعادة والنجاح والله ولي التوفيق

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *