شاهد الفنان مهاب عثمان في برنامج الكاميرا الخفية “عليك واحد” الحلقة الثانية.. فيديو

مكسر قلوب البنات السودانيات، هكذا وصف مقدم برنامج الكاميرا الخفية “عليك واحد” على فضائية سودانية24 ضيف الحلقة الثانية الفنان مهاب عثمان، وبعد أن شرب مهاب المقلب قدم مقطع من أغنية نالت إعجاب فريق العمل .

من اعداد وتقديم المذيع الشاب مازن تامر، تم تصوير الكاميرا الخفية عليك واحد بتقنيات عالية وكاميرات بأحجام مختلفة يصل عددها إلى عشر كاميرات نسبة لأن أحداثها تصور في سيارات عبر شوارع الخرطوم.

ومن ضحايا مقالب عليك واحد المذيعة تسابيح خاطر، حيث قام مازن تامر بتمثيل المقلب المضحك مع عدد من نجوم الفن والمجتمع منهم انصاف مدني و حنان بلوبلو ومهاب عثمان وآخرون.

تعليقات يوتيوب
Monty Monty
والله انا شخصيا بقدر اي زول اجتهد وتعب وعمل حاجه حتي لو كانت بسيطه او مقلده ما مهم المهم انو تعب عشان يعمل حاجه تحياتنا ي شباب بس الحاجه الواحده الممكن اعلق عليها هي كابوكي دا يعني زول ممثل ومعروف فكان بالامكان تجيبو اي شخص م ظهر قبل كدا
تحياتنا مره تانيه ومقدرين لجهدكم
——-
Amir Alamir
أنا ما زعلان و لا حاجه لكن أقرب مثال ليك المصريين ديل برامجهم أبيخ مننا و بي تنافس و بي جيب عائد أكثر بس سبب حاجه بسيطه أنك تدعم أولاد بلدك ولو بي كلمه محفزه حتى لوتقيله عليك علشان نشوف الشباب ديل المره الجايه أحسن وبي أخطاء أقل (العافيه درجات
—-

B. A
كل تجارب الكاميرا الخفيه في السودان فاشله بس مين يقتنع بكدا .
بعدين الكاميرا الخفيه دي ع مستوى العالم بقت برنامج بيش ﻻنو اي حاجة حتجيبه حيكون في من سبقك فيها . فياريت الناس تجيب حاجة جديدة من حياتنا اليومية وواقعنا . يعني مثلا البرنامج ده لو كان دراما قصيره كان احتمال يكون احلى من كده و الناس تتقبلو .
بتمنى من المبدعين حاجتين ما يعملوهم الكاميرا الخفيه و افلام اكشن
—–
Fadil Musa
عايزين تحاكو…ولن لازال السبهلليه و العواره موجوده حتي ازا درستو وتعلمتوا ياهو في سجمكم…والله ازا مسئول في هزه البلد الاصبحت هامله لكل متخلف يطلع سلالم القرار وتدبير الامور…هكزا تسيئو لكرام هزا البلد…واعاده تثقيف المواطن للوراء والهزل المستمر الزي اصبح سمه كل تلفزيوناتنا وحتي لو استبشرنا خيرا بمولد قناه جديده ولكننا نصطدم بنفس الشخصيه الفارغه او المضيعه لوقتنا او اجراءات اعمالنا….وواسفاه.
هزه مهزله شخصيات محترمه اصبحت تتلمس دربها ونضجها كل في مجال عمله…كيف تروعوهم و تبهدلوهم و تضيعوا وقتهم وتخربوا هندامهم من اجل ضحكه لبعض الفئات الفارغه مثلكم …
قال رسول الله صلي الله عليه وسلم (المسلم من سلم الناس من يده ولسانه)
***اوقفو هزا البرنامج… هزا العبث ومضيعه الاجيال.

—–
Hamad Ibrahim
يا جماعة ليه التقليد، مافى اى داعى لحاجة زى كدا، اعملوا حاجاتكم بطريقتكم براكم، وبطريقتنا السودانية، كدا القناة هتكون ماشة فى صف التابعين ما مع القنوات القائدة والرائدة. احسن حاجة الابتكار، ابتكروا حاجاتكم بطريقة حديثة وجديدة بس ما تكون تقليد. ثانى حاجة البرنامج مقدموا واحد، بس لم المقلب ينتهى بيجى كل الناس ويتلموا فى صاحب المقلب ويعملوا لخمة وجوطة وكلهم بيتكلموا دى برضوا ما ليها داعى. ثالث حاجة المناطق اللى بيتم فيها التصوير على الارض لم يتم اختيارها بالصورة اللائقة، كلها تراب وعجاج وزنك بى ورا وخلفيات شوية غير مناسبة، ياريت يتم اختيار أماكن احسن عشان نعكس واجهة جميلة للخرطوم والسودان. وانا من اكبر داعمي القناة بكل برامجها وللامام

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *