فيديو.. بخة لبن ما قلنا شي ﺭﻗﺼﺔ ﻋﺮﻭﺱ ﻣﺎ ﻗﻠﻨﺎ ﺷﻲ ﻟﻜﻦ ﻛﻤﺎﻥ ﻭﺻﻠﺖ ﻗُﺒَﻞ، انتقاد القبلات الساخنة في أعراس السودان

هكذا رد الشاعر للموقف الذي تشاهده على الفيديو
ﺑﺨﺔ ﻟﺒﻦ ﻣﺎ ﻗﻠﻨﺎ ﺷﻲ
ﺭﻗﺼﺔ ﻋﺮﻭﺱ ﻣﺎ ﻗﻠﻨﺎ ﺷﻲ
ﺍﺳﻠﻮﻭ ﻋﺪﻳﻞ ﻣﺎ ﻗﻠﻨﺎ ﺷﻲ
ﻟﻜﻦ ﻛﻤﺎﻥ ﻭﺻﻠﺖ ﻗُﺒَﻞ

ﻗﺪﺍﻡ ﻋﻴﻮﻥ ﺍﻟﺤﺎﺿﺮﻳﻦ
ﻭﺭﺟﺎﻝ ﻳﻬﺰﻭ ﻣﺒﺸﺮﻳﻦ
ﻭﺣﺮﻳﻢ ﻳﺰﻏﺮﺩﻥ ﺍﻟﻔﺮﺡ
ﺳﺎﻭﻧﻮ ﻗﺎﻟﻮﺍ ﻋﺪﻳﻞ ﻭﺯﻳﻦ
ﻭﻣﺼﻮﺭﻳﻦ ﻭﺍﻟﺸﻐﻠﺔ
ﺻﺒﺤﺖ ﻋﺎﺩﻱ ﻛﻴﻒ
ﻳﺎﺭﺑﻲ ﻣﺎﺷﻴﻦ ﻧﺤﻨﺎ ﻭﻳﻦ
ﺍﻟﻨﺎﺱ ﺩﻱ ﻋﺪﻣﺖ ﻣﻦ ﺣﻴﺎﺀ
ﻭﺟﻮﺍﻫﺎ ﻣﺴﻜﻮﻥ ﺑﺎﻟﻌﻴﺎﺀ
ﺍﻟﺒﺖ ﻭﺍﺧﻮﻫﺎ ﻣﺠﻜﺴﻴﻦ
ﺍﻻﻡ ﻭﺍﺑﻮﻫﺎ ﻣﻬﻠﻠﻴﻦ
ﻭﺍﻟﺼﺎﻟﺔ ﺿﺠﺖ ﺑﺎﻟﻔﺮﺡ
ﻭﺍﻧﺎ ﻛﻨﺖ ﻓﻲ ﺍﻟﺮﻛﻦ ﺍﻟﺒﻌﻴﺪ
ﻗﺎﻋﺪ ﺍﻋﺎﻳﻦ ﻓﻲ ﺍﻟﻤﻨﺎﻇﺮ
ﺍﻟﻐﻨﻮﺓ ﺳﻴﺪﺓ ﺍﻟﻤﻨﺎﺑﺮ
ﻭﺍﻟﺠﻮﻉ ﺩﺓ ﻛﺎﻓﺮ
ﺍﻟﺠﺎﻱ ﻛﺎﻥ ﻗﺼﺪﻭ ﺍﻟﻌﺸﺎﺀ
ﺿﺮﺑﻠﻮ ﻛﻮﻛﺘﻠﻴﻦ ﻣﺸﻲ
ﻭﺍﻟﺠﺎﻱ ﺷﺎﻥ ﺧﺎﻃﺮ ﻓﺘﺎﺓ
ﺑﺎﺭﻛﻠﻬﺎ ﺍﻟﻔﺮﺣﺔ ﻭﻣﺸﻲ
ﻭﻓﻨﺎﻧﺎ ﻳﺎ ﺑﺎﺭﺩ ﺍﻟﺤﺸﺎﺀ
ﺍﻟﻐﻨﻮﺓ ﻛﻠﻬﺎ ﻛﻠﻤﺘﻴﻦ
ﻭﺍﻟﺒﺎﻗﻲ ﻣﻮﺳﻴﻘﻲ ﻭﻃﺒﻞ
ﻭﺭﻗﺼﺔ ﻧﻮﺍﻋﻢ ﻭﻫﺰﺗﻴﻦ
ﻭﻳﺎﺭﺑﻲ ﻣﺎﺷﻴﻦ ﻧﺤﻨﺎ ﻭﻳﻦ
ﻋﺎﺩﺍﺗﻨﺎ ﻣﺎ ﻋﺎﺩﺕ ﻳﻬﻦ
ﻭﻗﻴﻤﻨﺎ ﻓﺎﻗﺪﺍﺕ ﺍﻟﻮﺯﻥ
ﺩﻭﻻﺭﻧﺎ ﻛﻴﻔﻦ ﻣﺎ ﻳﺰﻳﺪ
ﻣﺎ ﺩﺍﻡ ﺳﻔﻬﻨﺎ ﺑﻘﻲ ﺍﻟﺮﺻﻴﺪ
ﻫﻤﻠﻨﺎ ﺍﺭﺿﺎﺀ ﺭﺑﻨﺎ
ﺷﺎﻥ ﻧﺮﺿﻲ ﻟﻲ ﺧﺎﻃﺮ ﺍﻟﻌﺒﻴﺪ
ﻭﺍﻧﺎ ﺩﺍﺭ ﺍﻗﻮﻝ ﻟﺴﻊ ﻛﻼﻡ
ﻫﻞ ﻓﻲ ﺯﻣﻨﻜﻢ ﻣﻦ ﻣﺰﻳﺪ
ﺟﻮﺭ ﺍﻟﺤﻜﻢ ﺳﻌﺮ ﺍﻟﻤﻮﺍﺩ
ﺍﻟﺰﺍﻳﺪﺓ ﻛﻞ ﺻﺒﺎﺡ ﺟﺪﻳﺪ
ﻣﻤﺎ ﻛﺴﺒﻨﺎ ﺑﻴﺪﻧﺎ
ﻣﺰﻛﻮﺭﺓ ﻓﻲ ﺍﻟﻠﻮﺡ ﺍﻟﻤﺠﻴﺪ
ﺑﺲ ﻧﺤﻨﺎ ﻟﺴﺔ ﻣﻮﺩﺭﻳﻦ
ﻭﻣﻮﺭﺩﻳﻦ
ﺍﻻﺳﺘﻼﺏ ﺍﻻﺻﻠﻲ ﺷﻴﻦ
ﻭﺍﺻﺒﺤﻨﺎ ﻧﺤﻨﺎ ﻣﻘﻠﺪﻳﻦ
ﻭﺑﻘﺖ ﺍﻟﺨﻴﺎﻧﺔ ﻧﺸﻮﻓﺔ ﻋﻴﻦ
ﺍﻟﺰﻭﺟﺔ ﺑﺘﻮﺍﻋﺪ ﺣﺒﻴﺐ
ﻭﺍﻟﺰﻭﺝ ﻣﺠﺮﻭﺭ ﻣﺮﺗﻴﻦ
ﺍﻻﻭﻟﻲ ﻣﻦ ﺳﻮﻕ ﺍﻟﻄﻠﺐ
ﻭﺍﻟﺘﺎﻧﻴﺔ ﻣﻦ ﻃﻠﺒﺎﺕ ﻭﺩﻳﻦ
ﻭﺍﻻﺳﺮﺓ ﻋﻘﺪﻫﺎ ﺍﻧﻔﺮﻁ
ﻣﺎ ﺗﻘﻮﻟﻮﺍ ﻳﺎﺭﺏ ﻳﺎ ﻣﻌﻴﻦ
ﺍﻟﺒﺖ ﺩﻱ ﻋﺎﺩﻱ ﺑﻘﺖ ﺗﺠﻲ
ﺷﻖ ﺍﻟﺼﺒﺎﺡ ﻣﻦ ﻧﺎﺩﻱ ﻭﻳﻦ
ﻻ ﺯﻭﻝ ﺑﻴﺴﺎﻟﺔ ﻛﻨﺘﻲ ﻭﻳﻦ
ﻣﺎ ﻃﺎﻝ ﻭﻓﺮﺕ ﺍﻟﻤﻌﻴﻦ
ﺍﻛﻴﺎﺱ ﻓﻮﺍﻛﻪ ﻭﺍﻟﻠﺒﻦ
ﻭﺍﻟﺒﺎﺳﻄﺔ ﻭﺍﻟﻠﺤﻢ ﺍﻟﺴﻤﻴﻦ
ﻗﻠﺐ ﺍﻟﺮﺟﺎﻝ ﺍﻟﻤﺎﺕ ﺯﻣﺎﻥ
ﻭﺍﻻﻡ ﻣﻮﺍﻗﻔﺔ ﺯﺍﻳﺪﺓ ﻟﻴﻦ
ﻭﻋﺎﺩﻱ ﺑﻴﻌﺰﻣﻮﻙ ﻗﻬﻮﺓ ﻫﻢ
ﻣﻤﻜﻦ ﺗﺠﻮﻧﺎ ﻣﻘﻴﻠﻴﻴﻦ
ﺣﺎﺟﺎﺕ ﺗﺤﻴﺮ ﻳﺎ ﺧﻠﻮﻕ
ﻓﻲ ﻛﻞ ﺻﺒﺎﺡ ﻭﺍﻗﻊ ﻣﺸﻴﻦ
ﻳﺎﺭﺏ ﺍﺫﺍ ﺳﻔﻬﺎﺀ ﺍﻟﻮﻃﻦ
ﺧﻠﻮﻧﺎ ﻧﺤﻨﺎ ﻣﺸﺘﺘﻴﻦ
ﺳﺎﻣﺤﻨﺎ ﻣﺎ ﺗﻨﺰﻝ ﻋﺬﺍﺏ
ﺑﻲ ﺍﺳﺒﺎﺑﻬﻢ ﺍﻟﻤﺎ ﻣﺆﻣﻨﻴﻦ
ﻭﺍﺳﺘﻐﻔﺮ ﺍﻟﻠﻪ ﻣﻦ ﺫﻧﺐ
ﺳﺎﻫﻤﻨﺎ ﻓﻴﻬﻮ ﻣﻘﺼﺮﻳﻦ

الشاعر حسن احمد حسن

—–
وقال الشيخ يوسف الكودة تعليقا على الفيديو بعد أن قام بنشره
معلومة فقهية هامة

(لا ستر للمجاهر.

الستر للإنسان الذي وجدناه يعمل في المعصية مختبئا مثلا هنا علينا أن نستره
أما من جاهر بالمعصية مثل هذا الصعلوك وتلك الصعلوكة فلا ستر لهم
الواجب في حقهم الفضح
وتحذير الناس منهم)

تعليقات الفيسبوك

تعليقات

الرد

لن يتم نشر عنوان بريدك الإلكتروني. الحقول الإلزامية مشار إليها بـ *